Zjarri në Malin e Krujës, reagon Rama: Përfundoi pa asnjë banor të dëmtuar, heronjtë tanë shmangën një tragjedi

 

TIRANA- Kryeministri i vendit Edi Rama ka reaguar pas situatës kaotike të shënuar mbrëmjen e djeshme në Malin e Krujës, i cili u përfshi nga flakët. Përmes një postimi në rrjetet sociale, kryeministri shprehet se zjarri në Krujë ka përfunduar me vetëm një magazinë të shkrumbuar dhe pa asnjë banor të dëmtuar.

Ai theksoi se për të bërë të mundur shuarjen e zjarrit në malin e Krujës, trupat zjarrfikëse, ushtarake dhe policore u përballën me heroizëm e me aftësi të spikatur profesionale, duke shmangur një bilanc që mund të kishte qenë tragjik. Në fund, lideri i qeverisë shprehu mirënjohje për efektivët dhe punonjësit e angazhuar në operacion, duke i cilësuar si “heronjtë tanë të vijës së zjarreve”.

Edi Rama: Ka përfunduar me vetëm një magazinë të shkrumbuar dhe asnjë banor të dëmtuar, një betejë e jashtëzakonshme me zjarrin në malin e Krujës, ku në praninë e erës dhe në pamundësinë e natës për të përdorur mjete zjarrshuajtëse nga ajri, trupat tona zjarrfikëse, ushtarake e policore u përballën me heroizëm e me aftësi të spikatur profesionale, duke shmangur një bilanc që mund të kishte qenë tragjik siç fatkeqësisht po ndodh në vende të tjera të Europës në këtë verë përvëluese???????????? Respekt dhe mirënjohje për heronjtë tanë të vijës së zjarreve të këtij gushti sfidues, ku mbrëmë banorët e Krujës panë se nuk ishin vetën në orët e tyre tejet të vështira, siç dëshmon edhe ky mesazh ndër disa që më dërguan mbrëmë në orët e natës: “Zoti Kryeminister ! Ju lutem zjarri po merr permasa te medha ne Kruje! Po punojne si heronj Zoti ia shperblefte ...por era po e perhap me shume shpejtesi .ne eshte e mundur per perforcime te tjera ..shteti eshte ne kembe i teri ????”